Spurt og svarað
Algengar spurningar.
Hér eru svör við algengustu spurningunum. Ef þú finnur ekki það sem þú leitar að, sendu okkur línu á worldclass@worldclass.is.
53 spurningar
Kort og aðild
Skráðu þig inn með netfanginu þínu í stað rafrænna skilríkja. Ef það gengur ekki, hafðu samband við worldclass@worldclass.is.
Prófaðu fyrst að skrá þig út úr appinu og inn aftur. Ef það dugar ekki: - Engir tímar: athugaðu hvort sía sé virk. - Engin áskrift: hún gæti verið útrunnin eða greiðsla ekki náðst. - Nýlega keypt áskrift: kerfið gæti enn verið að uppfærast. Annars skaltu hafa samband við worldclass@worldclass.is.
Oftast er ástæðan ógreiddur reikningur. Hann lokar aðgangi og kaupum á nýju korti þar til hann er greiddur, og krafan birtist ekki endilega í heimabanka. - Greiddu í Abler: í appinu undir prófíl og Reikningar, eða í tölvu á abler.io undir Þú átt ógreidda reikninga. - Láttu svo vita á worldclass@worldclass.is. - Ef þú hefur þegar greitt en kortið birtist enn sem ógreitt, sendu staðfestingu á greiðslunni á worldclass@worldclass.is og við förum yfir málið. - Ef skanninn hleypir þér ekki inn um mánaðamót gæti greiðsla fyrir nýtt tímabil ekki verið komin í gegn. Reyndu þá aftur eftir stutta stund.
Skráðu þig inn í Abler með sama netfangi og þú gafst upp í afgreiðslunni. Ef kortið birtist samt ekki, hafðu samband við worldclass@worldclass.is og starfsfólk uppfærir netfangið á aðganginum.
Þú sérð áskriftirnar þínar og stöðu þeirra á Mínum síðum á worldclass.is og í appinu undir Prófíl og Áskriftir. Þar sækirðu líka kvittanir og sérð lokadag ef áskriftinni hefur verið sagt upp.
Í Abler appinu ferðu í prófíl og Skoða prófíl. Undir Tölfræði velurðu Mætingarskýrsla, svo World Class og mánuðinn. Þar geturðu líka sótt mætingarskýrslu mánaðarins. Leiðbeiningar Abler
Þú kemst inn með augnskönnun við hliðin. Skannaðu þig alltaf inn, því skanninn skráir líka mætingu í hóptíma.
Komdu við í afgreiðslu og biddu um að augnskanninn þinn verði uppfærður, það lagast oftast þannig. Stundum uppfærist skanninn ekki við kaup á nýrri áskrift. Ef þú kemst samt ekki inn skaltu athuga hvort áskriftin sé í vanskilum, aðgangur lokast ef þrír mánuðir eru ógreiddir.
Nei, eldri skönnun er vistuð og þú þarft ekki að láta skanna augun aftur. Ef aðgangurinn virkar ekki eftir kaup á nýju korti kemurðu við í afgreiðslu og starfsmaður uppfærir hann.
Þú breytir netfangi og símanúmeri í prófílnum þínum í Abler-appinu.
Skólakort framlengist ekki sjálfkrafa, svo þú þarft að skila nýrri staðfestingu á skólavist í hvert sinn. Svona endurnýjarðu það: - Sendu staðfestingu á skólavist og kennitölu á worldclass@worldclass.is eða sýndu hana í afgreiðslu. - Starfsmaður setur nýja kortið upp. - Kortið birtist sem ógreitt í Abler appinu eða á abler.io/shop/worldclass eftir innskráningu. Skólakort Árssamningur er greiddur mánaðarlega í 12 mánuði, er óuppsegjanlegur og rennur út á lokadegi.
Já, ef vinnustaðurinn eða starfsmannafélagið er með samning við World Class. Afslátturinn er af árskortum og er mismunandi eftir samningum. Enginn afsláttur er af mánaðaráskriftum. Kortin gilda á öllum stöðvum World Class og í þeim sundlaugum sem fylgja kortunum. Ef fyrirtækið eða félagið greiðir kortin: - Kortin eru skuldfærð á fyrirtækið eða félagið. - Fyrirtækið tilnefnir einn tengilið sem sendir lista með nöfnum og kennitölum starfsmanna á worldclass@worldclass.is. Ef þú greiðir kortið sjálf eða sjálfur með starfsmannaafslætti geturðu ekki keypt það á netinu. Það er sett upp fyrir þig: - Sendu kennitölu og staðfestingu á starfi, til dæmis mynd af starfsmannaskírteini, á worldclass@worldclass.is. - Segðu hvaða kort þú vilt kaupa og hvort þú staðgreiðir eða greiðir mánaðarlega. - Kortið er sett tilbúið til greiðslu og birtist ógreitt í Abler appinu eða á abler.io/shop/worldclass eftir innskráningu. Þú greiðir það þar.
Hnappurinn birtist ekki í þessum tilvikum: - Samningurinn er tímabundinn, til dæmis Skólakort eða Árssamningur, og rennur sjálfkrafa út. - Ógreiddur reikningur er fyrir yfirstandandi mánuð. Greiddu hann og reyndu aftur. - Það er daginn fyrir eða sama dag og áskriftin endurnýjast. Reyndu aftur daginn eftir. Uppsögn fer fram í Abler-appinu eða á Mínum síðum, ekki í síma, tölvupósti eða afgreiðslu. Ef hnappurinn birtist samt ekki, hafðu samband við worldclass@worldclass.is.
Já. Hafðu samband við worldclass@worldclass.is þegar áskriftin er að renna út og starfsfólk setur hana aftur í kerfið.
Já. Dagspassi fæst á heimsíðunni og gildir bæði í stöðina og í alla opna hóptíma.
Á kaupdegi. Kortið er virkt frá þeim degi sem það er keypt, óháð því hvenær þú mætir fyrst.
Fyrst þarf að greiða útistandandi reikning. Síðan segirðu upp í Abler eða sendir beiðni með kennitölu á worldclass@worldclass.is, og uppsagnarfresturinn gildir eins og venjulega. Ef þú hættir bara að greiða helst áskriftin virk og reikningarnir standa áfram.
Skráðu þig inn í Abler eða á Mínar síður og opnaðu áskriftina. Ef uppsögnin er skráð sérðu þar lokadag áskriftarinnar. Ef enginn lokadagur birtist, hafðu samband við worldclass@worldclass.is með kennitölu.
Nei, haltu lófanum yfir skannanum, um 10 cm frá honum, án þess að snerta hann. Eftir skráningu þarftu hvorki app né síma við hliðið.
Komdu við í afgreiðslu stöðvarinnar við fyrstu komu og láttu skrá þig í aðgangskerfið. Eftir það skannarðu þig inn við hliðin. Á stöðvum án afgreiðslu, til dæmis Ögurhvarfi, er ekki hægt að skrá sig, svo þú byrjar á stöð með afgreiðslu.
Tekin er mynd af augunum sem er geymd sem talnaröð. Gögnunum er eytt sjálfkrafa þegar áskrift hefur ekki verið virk í nokkra mánuði. Eftir það þarftu að láta skrá augun aftur í afgreiðslu ef þú kaupir nýtt kort.
Við erum að uppfæra aðgangskerfið okkar. Lófaskanninn er hraðari og einfaldari: þú snertir hann ekki, þarft ekki að horfa í skanna og eftir fyrstu skráningu þarftu hvorki app né síma. Nánar um lófaskannann
Nei. Þú getur alltaf fengið aðgang í afgreiðslunni, án aukakostnaðar.
Dulkóðað lífkennasnið, aldrei mynd af lófanum. Sniðið fylgir aðganginum þínum í ZEESAM-appinu. Þú getur eytt skráningunni hvenær sem er í ZEESAM-appinu.
Appið heitir ZEESAM og fæst í App Store og Google Play. Þú þarft það bara í fyrsta skiptið. 1. Sæktu appið og búðu til aðgang heima. 2. Sýndu QR-kóðann úr appinu í afgreiðslunni. 3. Skannaðu lófann og sláðu inn kennitöluna á skannanum. Eftir það gengurðu inn með lófanum.
Já, þú getur greitt áskrift fyrir annan. Þú skráir greiðslukortið þitt á áskrift viðkomandi í Abler.
Já, Akranes og Ögurhvarf eru opnar allan sólarhringinn, alla daga. Í Ögurhvarfi er engin afgreiðsla. Á Akranesi er afgreiðslan opin hluta dagsins og afgreiðslutímann sérðu á síðu stöðvarinnar. Augnskanninn er skráður í afgreiðslu, svo þú þarft fyrst að koma á afgreiðslutíma eða í aðra stöð með afgreiðslu. Eftir það kemstu inn hvenær sem er.
Hvert gjafabréf gildir í sínu kerfi. Gjafabréf í heilsurækt og námskeið gengur upp í kort og námskeið. Gjafabréf í Laugar Spa gildir í meðferðir og Baðstofuna. Gjafabréf í vefverslun gildir í vefversluninni og í verslunum World Class Gym Wear. Það er ekki hægt að færa inneign á milli. Öll gjafabréf
Veldu kort eða námskeið á vefnum og sláðu inn kóðann á gjafabréfinu þegar þú greiðir. Ef kortið eða námskeiðið kostar meira greiðir þú mismuninn.
Upphæðin gildir áfram sem inneign upp í vörur og þjónustu. Ef verð hefur hækkað greiðir þú mismuninn.
Á stöð án afgreiðslu er ekki hægt að opna hliðið fyrir þig. Komdu við í afgreiðslu á næstu stöð með starfsfólki og láttu athuga skráninguna og aðganginn. Ef það gengur ekki, hafðu samband við worldclass@worldclass.is með kennitölu.
Starfsfólk getur tengt aðganginn við kennitöluna þína. Hafðu samband við worldclass@worldclass.is og sendu kennitölu ásamt netfanginu eða símanúmerinu sem var notað til að stofna aðganginn. Eftir það sést áskriftin í Abler og þú getur bókað tíma.
Nei. Í boði er 15 skipta kort sem gildir í 3 mánuði, en ekki klippikort með færri skiptum eða lengri gildistíma. Ef þú mætir sjaldan eru einnig dagspassar og vikukort í boði. Öll kort eru á worldclass.is/kaupa-kort.
Nei, enginn námsmanna-, barna- eða aldursafsláttur gildir af dagspassa. Dagspassi fæst í afgreiðslu stöðvanna og verðið er á worldclass.is/kaupa-kort.
Ef þú segir upp í fyrsta mánuðinum rennur áskriftin út þremur mánuðum eftir kaupdag. Uppsagnarfresturinn bætist ekki ofan á lágmarkstímann. Þú greiðir fyrsta mánuðinn við kaup og svo tvo mánuði í uppsagnarfresti, og kortið er virkt allan tímann.
Reikningurinn nær þá yfir báða mánuði uppsagnarfrestsins. Mánaðarverðið sjálft er óbreytt og ekki er um mistök að ræða. Þetta er einn reikningur en tvær greiðslur.
Nei. Áskriftin er virk og gjöldin falla áfram til þar til henni er sagt upp, óháð mætingu. Ef reikningar eru ógreiddir lokast aðgangurinn en skuldin stendur eftir. Til að hætta greiðirðu útistandandi reikninga og segir svo upp í Abler.
Já. Tveggja mánaða uppsagnarfrestur gildir alltaf um ótímabundna áskrift, sama hve lengi þú hefur verið í henni. Hann miðast við næsta endurnýjunardag og kortið er virkt út frestinn. Almenn undanþága frá frestinum er ekki veitt.
Nei, greiðsla fyrir hluta úr mánuði er ekki í boði. Áskriftin er rukkuð einn mánuð í einu frá kaupdegi, svo fyrsta greiðsla nær yfir heilan mánuð frá þeim degi. Næstu greiðslur eru teknar mánaðarlega á sama degi.
Já, 18 ára aldurstakmark er í Betri stofu og í búningsklefum hennar.
Já, fjölskyldumeðlimir með sama lögheimili fá 5% fjölskylduafslátt af kortum og áskriftum. Afslættir leggjast ekki saman. Fjölskylduafslátturinn gildir aðeins á kort án annars afsláttar, svo sem skólaafsláttar eða afsláttar í gegnum vinnustað, svo þú velur þann sem hentar best. Svona færðu afsláttinn: - Hafðu samband við worldclass@worldclass.is og sendu kennitölur allra og upplýsingar um hvaða kort á að kaupa. - Ef kort var keypt án afsláttar er hægt að bakfæra greiðsluna og stofna kortið aftur. - Afslátturinn er settur á greiðslur framvegis.
Já. Korthafar World Class komast frítt í Laugardalslaug, Lágafellslaug í Mosfellsbæ, Sundhöll Selfoss, Sundlaug Hellu, Árbæjarlaug, Sundlaug Seltjarnarness, Sundlaug Akureyrar, Breiðholtslaug, Jaðarsbakkalaug á Akranesi og Sundlaug Vestmannaeyja.
Já. Opnir hóptímar eru á tímatöflu og innifaldir í kortum og námskeiðum.
Já. Korthafar fá afslátt af námskeiðum ef kortið er í gildi á námskeiðstímanum. Án korts greiðirðu fullt gjald fyrir námskeið.
Já, í ákveðnum tilvikum. Frysting er skoðuð: - vegna veikinda eða meiðsla, gegn vottorði - vegna dvalar erlendis í 3 mánuði eða lengur - í kringum meðgöngu og fæðingu Ekki er hægt að frysta kort vegna styttri ferðalaga, fría, anna eða lítillar notkunar. Sendu okkur póst á worldclass@worldclass.is ef þú vilt sækja um.
Nei, kortið er persónulegt og ekki er heimilt að framselja það til annars aðila.
Öllum kortum fylgir aðgangur að öllum stöðvum World Class ásamt aðgangi að Laugardalslaug, Sundlaug Seltjarnarness, Lágafellslaug, Sundhöll Selfoss, Árbæjarlaug, Sundlaug Hellu, Sundlaug Akureyrar, Breiðholtslaug, Jaðarsbakkalaug á Akranesi og Sundlaug Vestmannaeyja. Korthafar hafa aðgang að öllum opnum hóptímum og fá afslátt af lokuðum námskeiðum. Baðstofukorthafar fá 10% afslátt af þjónustu snyrti- og nuddstofu Laugar Spa (gjafabréf eru undanskilin) og 10% afslátt af öllum vörum í vefverslun með afsláttarkóða sem kemur í velkominn-póstinum.
Opnir tímar fylgja kortinu og þú bókar þig í hvern tíma fyrir sig í tímatöflunni. Námskeið eru lokaðir tímar sem greitt er sérstaklega fyrir, og aðeins þeir sem skrá sig hafa aðgang að þeim.
Ótímabundinni áskrift segirðu upp sjálf eða sjálfur í Abler: - Í appinu: farðu í prófíl og Áskriftir, veldu World Class áskriftina og ýttu á Segja upp áskrift. - Í tölvu: farðu á abler.io/shop, veldu Skráningar, smelltu á Sjá meira við áskriftina og Segja upp áskrift, og staðfestu. Ekki er tekið við uppsögn í síma, tölvupósti eða afgreiðslu. Tímabundnum samningum, til dæmis Skólakorti eða Árssamningi, er ekki hægt að segja upp. Pilates Club og WorldFit eru aðskildar áskriftir sem þarf að segja upp sérstaklega. Leiðbeiningar Abler
Þú skráir þig á námskeiðasíðunni. Flest námskeið hefjast í byrjun hvers mánaðar og skráning opnar í mánuðinum á undan, svo stundum sjást aðeins námskeið sem eru þegar byrjuð. Korthafar fá afslátt ef kortið er í gildi á námskeiðstímanum.
Heilsuræktarkorthafar fá tvo vinamiða í heilsuræktina í hverjum mánuði (aldurstakmark 13 ára). Baðstofukorthafar fá tvo vinamiða í Baðstofuna í hverjum mánuði (aldurstakmark 18 ára). Þegar þú nýtir vinamiða þarftu að mæta með vininn í afgreiðsluna. Vinamiðar gilda ekki í Ögurhvarfi, Dalshrauni eða Árbæjarlaug.
Skólakort er kort fyrir nemendur í námi og hagstæðasti kosturinn fyrir unglinga. Það er til í tveimur útfærslum: - Skólakort Árssamningur: greiddur mánaðarlega í 12 mánuði, óuppsegjanlegur og rennur sjálfkrafa út á lokadegi. - Skólakort 3 mánuðir, 9 mánuðir og Ár: eingreiðslur sem renna sjálfkrafa út, engin uppsögn. Undir 18 ára kaupa kortið beint á kaupasíðunni. 18 ára og eldri senda staðfestingu á skólavist á worldclass@worldclass.is eða sýna hana í afgreiðslu. Skólakort er ekki til í einn mánuð og gildir aðeins í heilsurækt, ekki í Laugar Spa eða Baðstofuna.
15 spurningar
Greiðslur og kvittanir
Hafðu samband við worldclass@worldclass.is með nafni, kennitölu og tímabilinu sem kvittunin á að ná yfir, og biddu um kvittun með upphæð og tímabili. Upphæðin kemur ekki fram á venjulegri kvittun úr Abler þegar kortið er: - greitt af vinnuveitanda - greitt af íþróttafélagi eða starfsmannafélagi - keypt í gegnum vinnustað Kvittunin er send í sérstökum tölvupósti á netfangið sem er skráð á aðganginn.
Veldu eldri áskriftina í Abler til að sjá eldri kvittanir. Kvittanir eru tengdar hverri áskrift, svo ef áskrift var sagt upp og ný hófst birtist aðeins nýja áskriftin. Hægt er að sækja kvittanir allt að eitt ár aftur í tímann. Ef kvittun vantar eða er eldri en eins árs, hafðu samband við worldclass@worldclass.is.
Já, kort er ódýrara. Ef debet- eða kreditkort er skráð á samninginn í Abler er tekið sjálfkrafa af því í hverjum mánuði án seðilgjalds. Greiðsluseðli í heimabanka fylgir seðilgjald á hverja rukkun. Þú breytir greiðsluleið sjálf eða sjálfur í Abler. Ef þú hefur þegar fengið greiðsluseðil í heimabanka: - Hafðu samband við worldclass@worldclass.is og biddu um að seðillinn verði felldur niður. - Þá birtist greiðslan ógreidd í Abler undir prófíl og Reikningar og þú greiðir hana þar með korti. - Næstu rukkanir fara svo á kortið. Ef þú skiptir um kort eftir að seðillinn var stofnaður gildir breytingin aðeins um næstu rukkanir.
Já, þegar gengið hefur verið frá skuldinni. - Ógreiddir reikningar: greiddu þá eða semdu um að greiða einn eldri og einn nýjan reikning á mánuði. - Reikningar í innheimtu: semdu um greiðslu við innheimtufyrirtækið. - Láttu svo vita á worldclass@worldclass.is, þá er opnað fyrir kaup á korti. Kortið helst opið á meðan þú stendur í skilum.
Skráðu þig inn í Abler appið eða á abler.io/shop/worldclass. Kortið birtist þar sem ógreitt og þú greiðir það þar. Eftir greiðslu sérðu réttar dagsetningar undir áskriftum.
Sendu heimildarnúmer færslunnar á worldclass@worldclass.is. Þá færðu kvittunina senda í tölvupósti. Heimildarnúmerið er á greiðslukvittuninni eða í bankaappinu. Ef þú greiddir með síma, til dæmis Apple Pay, finnst færslan ekki út frá kortanúmerinu og því þarf heimildarnúmerið.
Kvittun er alltaf send á netfang korthafans sjálfs. Korthafinn getur líka sótt hana í eigin Abler aðgangi. Ef þið eruð með sitthvora áskrift sækir hvort ykkar sína kvittun.
Já. Þú greiðir fyrstu greiðsluna á kaupdegi og næsta greiðsla kemur í lok tímabilsins. Þannig eru kortin alltaf fyrirframgreidd.
Já. Þú slærð inn debet- eða kreditkortanúmer í greiðsluferlinu.
Já. Áskriftargjaldið getur hækkað einu sinni á ári um sem nemur hækkun vísitölu neysluverðs frá síðustu hækkun.
Kvittanirnar þínar eru í Abler. Í appinu ýtirðu á prófíl, þar eru reikningar og kvittanir. Í tölvu ferðu á abler.io. Fyrir eina kvittun fyrir stéttarfélag sem nær yfir mörg tímabil, allt að eitt ár, fylgirðu leiðbeiningum Abler.
Áskriftin er áfram virk þar til henni er sagt upp. Skuldfærslan er reynd aftur áður en greiðsluseðill er sendur, og seðillinn birtist ekki strax í netbanka eða Abler. - Ef kortið kemst í lag tekur greiðslan oftast sjálfkrafa út. - Þú greiðir ekki tvisvar fyrir sama mánuð þótt þú greiðir handvirkt í appinu. - Ef greiðslur eru ógreiddar getur aðgangurinn lokast. Hann opnast aftur þegar greiðslan tekst.
Ótímabundin áskrift (mánaðarleg áskrift) hefur tveggja mánaða uppsagnarfrest sem miðast við næstu endurnýjun, svo lágmarkstími hennar er þrír mánuðir. Áskriftin og kortið eru virk og greidd út frestinn óháð mætingu. - Yfirleitt koma tvær greiðslur eftir að uppsögn er skráð, með sömu upphæð og áður. - Þú færð tvo reikninga en eina kvittun fyrir allan frestinn. - Lokadagurinn ræðst af endurnýjunardegi áskriftarinnar, ekki mánaðamótum. - Sé sagt upp rétt eftir endurnýjun lengist áskriftin um mánuð. Mánaðargjöld eru ekki endurgreidd. Tímabundnir samningar (t.d. Árssamningur eða Skólakort (árssamningur)) eru óuppsegjanlegir og falla sjálfkrafa úr gildi á lokadegi tímabilsins. Nánari upplýsingar um greiðslufyrirkomulag eru í skilmálunum okkar.
Þú skiptir um greiðslukort sjálf eða sjálfur í Abler og breytingin gildir frá næstu greiðslu: - Í appinu: Markaðstorg, Skráningar, veldu áskriftina og Breyta korti. - Í tölvu: Markaðstorg, Skráningar, Sjá meira við áskriftina, Breyta korti og Halda áfram. - Sláðu inn kortaupplýsingarnar og smelltu á Greiða núna. Sendu aldrei kortanúmer í tölvupósti. Leiðbeiningar Abler
Nei. Eingreiðslukort endurnýjast ekki og gilda út tímabilið sem greitt var fyrir, til dæmis mánaðarkort, þriggja mánaða kort eða árskort. Aðeins þarf að segja upp áskrift.
9 spurningar
Afslættir
Já, nemendur geta fengið skólakort á lægra verði. Skólakort er fyrir nemendur í námi. Undir 18 ára kaupa það sjálfir á worldclass.is/kaupa-kort, 18 ára og eldri koma í afgreiðslu á næstu stöð með staðfestingu á námi, til dæmis nemendaskírteini.
Hafðu samband við worldclass@worldclass.is til að fá upplýsingar um afslátt ef þú ert í bæði WorldFit og PilatesClub. Báðir klúbbarnir eru viðbót við World Class kort og fást sem stakur mánuður eða áskrift með tveggja mánaða uppsagnarfresti.
Afsláttarkort eru ekki í boði í vefversluninni. Hafðu samband við worldclass@worldclass.is með kennitölu, tegund korts og staðfestingu á aðild. Hjá sumum félögum, til dæmis Einstökum börnum, sendir félagið sjálft staðfestinguna. Kortið birtist svo ógreitt í Abler appinu eða á abler.io/shop/worldclass og þú greiðir það þar.
Já, þú færð 10% afslátt af vörum í vefversluninni þegar þú skráir þig á póstlista World Class. Afsláttarkóðinn kemur í velkominn-póstinum. Afslátturinn gildir aðeins ef þú varst ekki áður á póstlistanum.
Skjáskot af innri vef skólans, til dæmis Uglu, dugar ef nafn þitt eða kennitala sést. Sendu það á worldclass@worldclass.is ásamt kennitölu og upplýsingum um hvaða kort þú vilt, eða sýndu það í afgreiðslu. Kortið birtist svo ógreitt í Abler appinu eða á abler.io/shop/worldclass, þar sem þú greiðir það.
Nei. Öll kort veita aðgang að öllum stöðvum World Class, bæði tækjasölum og sundlaugum, og ekki er boðið upp á kort eingöngu fyrir tækjasal. Kortin og verðin sérðu á worldclass.is/kaupa-kort.
Nei, engin sérstök kjör eða afsláttarkóðar eru í boði fyrir fólk sem er komið til landsins til að vinna. Ef vinnustaðurinn þinn er með samning við World Class getur afsláttur gilt í gegnum hann. Öll kort sérðu á worldclass.is/kaupa-kort.
Já, eldri borgarar og öryrkjar fá afslátt af kortum. Ellilífeyrisþegar - 25% afsláttur af árskortum og áskriftarsamningum með aðgang kl. 08:00 til 16:00 á virkum dögum og ótakmarkaðan aðgang um helgar. - 15% afsláttur af kortum með aðgang á öðrum tímum. Öryrkjar fá 15% afslátt af kortum gegn framvísun skírteinis eða staðfestingar á örorku. Afslátturinn gildir ekki af 15 skipta kortum. Sjá kort fyrir eldri borgara
Já, korthafar World Class fá 20% afslátt af stökum tíma í Baðstofunni. Baðstofukorthafar fá auk þess 10% afslátt af vörum og þjónustu snyrti- og nuddstofu Laugar Spa þegar greitt er á staðnum (gjafabréf eru undanskilin) og 10% afslátt af öllum vörum í vefverslun með afsláttarkóða sem kemur í velkominn-póstinum.
12 spurningar
Baðstofan og pottasvæði
Gjafabréf í Laugar Spa fást fyrir ákveðna upphæð eða tiltekna meðferð. Þú bókar tíma í meðferð og notar gjafabréfið við greiðslu í bókuninni. Nánari upplýsingar á laugarspa.is.
Þú getur keypt gjafabréf fyrir snyrtistofu Laugar Spa á þremur stöðum: - Í afgreiðslunni í Laugum - Í afgreiðslunni í Kringlunni - Á vefnum: laugarspa.is/gjafabref
Já. Maki getur verið í mánaðaráskrift í heilsurækt og bætt Baðstofunni við, en uppfærslan fyrir maka er alltaf eingreiðsla. Fjölskylduafsláttur gildir af kortunum en ekki af uppfærslunni. Hafðu samband við worldclass@worldclass.is til að ganga frá henni.
Á síðu hverrar stöðvar sérðu aðstöðuna þar, til dæmis gufur, potta, sundlaug og sali. Allar stöðvarnar finnurðu á worldclass.is/stodvar-og-sundlaugar. Ef aðstaðan er ekki talin upp á síðu stöðvarinnar er hún ekki á þeirri stöð.
Já. Sem Baðstofukorthafi færðu handklæði á öllum stöðvum World Class, nema á Dalshrauni og Ögurhvarfi.
Á pottasvæðinu á Tjarnarvöllum eru einn heitur pottur og einn kaldur, þurrsauna og innrauður hitaklefi.
Í Kringlunni er útipottasvæði með einum heitum potti og einum köldum. Einnig er sauna og innrauður hitaklefi.
Á pottasvæðinu í Smáralind eru einn heitur pottur og einn kaldur, blautsauna, þurrsauna og innrauður hitaklefi.
Á pottasvæðinu í Vatnsmýri eru einn heitur pottur og einn kaldur, sauna og innrauður hitaklefi.
Á Seltjarnarnesi eru tvær þurrsaunur, ein blautsauna, fótabað og afslöppunarbekkir. Baðstofan er innifalin í Baðstofukortum.
Í Baðstofunni í Laugum eru fimm gufur: þurrgufa, þurrgufa með glóaldin, blönduð gufa með sítrus, ísmyntu blautgufa og infrarauð gufa, auk heits potts. Til kælingar eru kaldur pottur og kalt fótabað með sjó, kaldur foss og kælandi úðagöng. Endurheimt er ferðalagið um Baðstofuna: heitt og kalt til skiptis, svo saltskrúbbur og slökun í hvíldarherbergi með arineldi, sem er símalaust svæði. Handklæði og sloppar eru á staðnum. Baðstofan er fyrir 18 ára og eldri. Baðstofan á laugarspa.is
Hópaverðið í Baðstofuna miðast við 10 manns eða fleiri. Sendu fyrirspurnir og bókanir á worldclass@worldclass.is.
11 spurningar
Barnagæsla
Barnagæsla er mönnuð. Starfsfólk sér um barnið á meðan þú æfir og foreldri greiðir fyrir hvert skipti. Barnahorn er ómannað. Þar leikur barnið sér sjálft á ábyrgð foreldris á meðan þú æfir. Korthafar World Class fá frían aðgang.
Barnagæsla er greidd fyrir hvert skipti, fyrirfram í afgreiðslu. Þú getur líka keypt 15 eða 30 skipta kort í afgreiðslu á þeim stöðvum þar sem barnagæsla er, og þá er merkt við skiptið í gæslunni sjálfri. Skiptakort eru án gildistíma. Afgreiðslan gefur upp verðið.
Virka daga er ekkert aldurstakmark. Um helgar er 2 ára aldurstakmark og afmælisdagur barnsins gildir. Fjöldi barna í gæslunni er takmarkaður. Náist hámarksfjöldi getur starfsfólk þurft að vísa frá, en þá færðu að vita hvenær næsta pláss losnar.
Miðað er við að barn sé ekki lengur en 1,5 tíma í senn í gæslunni.
Opnunartíma barnagæslunnar finnur þú á síðu hverrar stöðvar á worldclass.is. Gæslan er læst utan opnunartíma og börn geta því ekki leikið sér þar á öðrum tímum. Sé gæslan lokuð má nýta barnahorn á öðrum stöðvum.
Barnið á að koma þurrt, úthvílt og mett. Bleyjubörn þurfa að koma með hreina bleyju því starfsfólk skiptir ekki á börnum. Reynist það nauðsynlegt er foreldri kallað upp. Skiptiaðstaða er í gæslunni sjálfri eða í búningsklefa. Starfsfólk svæfir ekki börn. Þú mátt þó koma með sofandi barn og starfsfólk sinnir því ef það vaknar.
Nei. Börn mega hvorki koma með né neyta matar eða drykkjar á meðan á gæslu stendur.
Já. Sama barnagæslukort gildir í öllum barnagæslum World Class.
Já. Greiða þarf fyrir börn 6 ára og eldri í afgreiðslu World Class þegar korthafar taka þau með í sund. Börn nota almenna búningsklefa, ekki Baðstofuklefa. Frítt er í sund fyrir börn í sundlaugum Reykjavíkur.
Já. WorldFit Mömmur er tími fyrir verðandi og nýbakaðar mæður þar sem börnin eru velkomin með. Að auki eru reglulega í gangi námskeið þar sem börn mega koma með. Sjá námskeiðin.
Sjá stöðvar með barnagæslu og stöðvar með barnahorni. Opnunartími hverrar gæslu er á síðu stöðvarinnar.
5 spurningar
Barnahorn
Barnahornið er ætlað eldri börnum sem hægt er að skilja eftir ein án eftirlits í skamman tíma á meðan þú æfir. Þar eru leikföng og sjónvarp. Barnahornið er ómannað og hentar ekki ungum börnum sem þurfa gæslu.
Foreldrar. Barnahornið er ómannað og viðskiptavinir bera alla ábyrgð á sínum börnum og gjörðum þeirra. Leikföng og sjónvarp eru til afnota svo lengi sem gengið er vel frá eftir börnin.
Nei. Aðgangur að barnahorni er korthöfum World Class að kostnaðarlausu. Athugið að barnahorn er ómannað og börn eru á ábyrgð foreldra.
Á sama tíma og stöðin sjálf. Barnahornið er opið allan opnunartíma stöðvarinnar.
Nei. Matur og drykkir eru ekki leyfðir í barnahorni.
12 spurningar
Frístundakort
Það fer eftir reglum þíns sveitarfélags, svo hafðu samband við það ef þú ert í vafa. Barnið getur æft hjá okkur frá 13 ára aldri á árinu á skólakorti. Styrkurinn birtist sem greiðslumöguleiki í kaupferlinu ef hægt er að nota hann fyrir kortið.
Það fer eftir sveitarfélaginu hversu lengi frístundastyrkurinn gildir og hvað gerist þegar barnið eldist. Upplýsingar fást á næstu World Class stöð eða á worldclass@worldclass.is. - Hægt er að kaupa nýtt kort með styrk árið eftir ef sveitarfélagið leyfir. - Ef eitthvað stendur eftir ógreitt af korti um áramót má nýta nýja úthlutun upp í greiðsluna, ef aldursskilyrði sveitarfélagsins eru uppfyllt.
Styrkurinn birtist aðeins ef barnið má nýta hann fyrir kortið. Algengustu ástæðurnar eru: - Flest sveitarfélög styrkja ekki kort fyrr en árið sem barnið verður 16 ára, yngri börn nýta styrkinn á lokuð námskeið. - Forráðamaður barns yngra en 18 ára er ekki innskráður á eigin Abler aðgang. - Kortið er ekki eingreiðslukort, til dæmis Skólakort Árssamningur. - Styrkurinn er fullnýttur á árinu, það sérðu á Mínum síðum sveitarfélagsins.
Þá gengur styrkurinn upp í kortið og þú greiðir mismuninn í kaupferlinu í Abler. Ef þú velur árskort geturðu dreift mismuninum á allt að 10 mánuði.
Já. Inneignin er millifærð á bankareikning World Class og þú sendir staðfestingu úr heimabanka á worldclass@worldclass.is með kennitölu barnsins í skýringu. Þá er kortið sett upp tilbúið til greiðslu og mismunurinn, ef einhver er, greiddur í Abler undir Reikningar. Aldursskilyrði sveitarfélagsins gilda áfram.
Ekki er hægt að framlengja kortið, en þú getur keypt áskrift fyrir barnið til að brúa bilið. Þegar þú hefur keypt skólakort með frístundastyrk á nýju ári, hafðu samband við worldclass@worldclass.is. Þá er áskriftinni lokað miðað við það sem þegar hefur verið rukkað og nýja kortið tekur við.
Upphæðin sem hægt er að nýta reiknast sjálfkrafa í kaupferlinu eftir reglum sveitarfélagsins, og upplýsingarnar koma þaðan. Stöðu styrksins sérðu á Mínum síðum sveitarfélagsins. Ef upphæðin virðist röng skaltu hafa samband við sveitarfélagið og fá staðfest hve mikið er eftir.
Já, ef sveitarfélagið leyfir það. Yngri börn nýta styrkinn yfirleitt á lokuð námskeið sem eru minnst 10 vikur, til dæmis WorldFit Unglinga fyrir 8. til 10. bekk eða unglingabox. Skráðu barnið og greiddu í Abler. Þar birtist styrkurinn í kaupferlinu ef barnið má nýta hann. Ekki er hægt að nýta styrkinn þegar greitt er í afgreiðslu.
Nei. World Class er ekki með sundnámskeið og selur ekki sundkort í almenningslaugar. Hafðu samband við viðkomandi sundlaug, líka ef þú vilt vita hvort greiða megi kortið með frístundastyrk.
Hvort barnið á styrk eftir sérðu á Mínum síðum hjá þínu sveitarfélagi. Ef þú hefur spurningar um kort eða námskeið hjá okkur, hafðu samband við worldclass@worldclass.is.
Frístundastyrk má nota fyrir öll eingreiðslukortin: Skólakort 3 mánuðir, 9 mánuðir og Ár. - Styrkurinn gildir aðeins fyrir kort og námskeið sem eru að minnsta kosti 10 vikur. - Hann gildir ekki fyrir Skólakort Árssamning (greitt mánaðarlega), því sá samningur er tímabundinn áskriftarsamningur en ekki eingreiðsla.
Forráðamaður velur frístundastyrkinn sem greiðslumöguleika í kaupferlinu á worldclass.is, ekki í afgreiðslu. Styrkurinn gildir aðeins fyrir kort eða námskeið sem eru að minnsta kosti 10 vikur. Möguleikinn birtist aðeins ef barnið má nýta styrkinn og styrkur er eftir á árinu.
11 spurningar
Afgreiðsla og þjónusta
Láttu starfsfólk stöðvarinnar vita og athugaðu óskilamuni á stöðinni. Starfsfólk hefur samband ef hluturinn finnst.
Já, skil og skipti á vörum úr vefversluninni fara eftir skilmálum vefverslunar, sem þú finnur neðst á worldclass.is.
Já, með gjafabréfi í vefverslun: það gildir fyrir allar vörur, bæði World Class Gym Wear og Organic Skincare, á vefnum og í verslunum World Class Gym Wear. Gjafabréf í heilsurækt og Laugar Spa gilda ekki í vefversluninni.
Já, í World Class Laugum. Matseðil vikunnar sérðu á síðu réttar dagsins.
Laugarbarinn býr til margar tegundir af boozti í Laugum. Drykk mánaðarins færðu líka í Egilshöll, Kringlunni, Smáralind, á Selfossi, Seltjarnarnesi, Skólastíg, Strandgötu Akureyri, Vatnsmýri og á Tjarnarvöllum.
Þú getur keypt vatnsbrúsa í afgreiðslunni. Drykkjarbrunnar eru líka í tækjasölunum.
Þú getur keypt lás í afgreiðslunni. Við leigjum líka lása. Þú greiðir fyrir leiguna en færð hluta til baka við skil gegn framvísun greiðslukvittunar.
Það fer eftir stöð og vikudegi. Opnunartíma hverrar stöðvar sérðu á stöðvasíðunum. Húsið lokar 30 mínútum eftir auglýstan lokunartíma.
Þú notar klefana hjá okkur og ferð beint inn í sundlaugargarðinn eða innilaugina þaðan.
Aldurstakmarkið í stöðvarnar er 13 ára á árinu. Foreldrar og forráðamenn geta sótt um undanþágu fyrir yngri börn hjá stöðvarstjóra á viðkomandi stöð. Stranglega bannað er að vera með börn í tækjasal.
Já. Bóka þarf fyrirfram í alla hóptíma. Bókaðu í tímatöflunni eða í Abler appinu undir Tímar.
6 spurningar
Einkaþjálfun
Já, það semur þú beint við þjálfarann. Einkaþjálfarar eru sjálfstæðir verktakar og ákveða sjálfir tíma, verð og greiðslufyrirkomulag. Finndu þjálfara á einkaþjálfarasíðunni á worldclass.is og hafðu samband við þann sem hentar. Þú þarft gilt World Class kort til að nýta einkaþjálfun.
Já. Upplýsingar og skráning eru á síðu Einkaþjálfaraskólans.
Já, líkamsmælingar eru í boði. Í afgreiðslu færðu upplýsingar um þá einkaþjálfara sem sjá um þær.
Já, einn tími með þjálfara í tækjasal er innifalinn við kaup á korti og þjálfarinn fer þá yfir tækin með þér. Svona bókarðu tímann: - Sendu póst á worldclass@worldclass.is - Veldu stöðina sem hentar þér best - Beiðnin fer til þjálfara á þeirri stöð og þið eruð tengd saman til að finna tíma
Á vefnum eru listar yfir Einkaþjálfarar. Á einkaþjálfarasíðunni á worldclass.is finnurðu lista yfir alla einkaþjálfara World Class. Ef þú velur stöð birtast aðeins þeir sem þjálfa þar. Um einkaþjálfun: - Þú hefur samband beint við þann einkaþjálfara sem þér líst best á. - Einkaþjálfarar starfa sem sjálfstæðir verktakar. Þeir gefa sjálfir upp verð og allar greiðslur fara í gegnum þá. - Þú þarft að vera með kort í World Class. - Einn til fjórir geta verið hjá einkaþjálfara á sama tíma. - Innifalið er fitumæling, ummálsmæling, vigtun, matarráðgjöf, æfingaáætlun og aðhald.
Allar umsóknir fara í gegnum umsóknarsíðuna okkar. Það gildir um öll störf, líka einkaþjálfun og kennslu hóptíma. Ekki er tekið við umsóknum í tölvupósti. Ef hæfni þín hentar lausu starfi höfum við samband og bjóðum þig í viðtal. Einkaþjálfarar hjá World Class eru sjálfstæðir verktakar og ráðning byggir á forsendum World Class. Sækja um starf
22 spurningar
Opnir hóptímar
Já, Pilates Club þarf virkt World Class kort samhliða og er ekki innifalinn í almennri áskrift. WorldFit þarf líka World Class kort, nema á unglinganámskeiði WorldFit (8. til 10. bekkur), þar er engin krafa um kort.
Mæting skráist sjálfkrafa þegar þú skannar þig inn við komu á stöðina. Ef skanninn virkar ekki skaltu láta afgreiðsluna vita við komu.
Hafðu samband við skammarkrokur@worldclass.is og nefndu stöð, dagsetningu og tíma tímans. Þá er hægt að skoða hvort leiðrétta þurfi mætinguna og fella bannið niður. Eftir leiðréttingu getur appið verið stutta stund að uppfærast, skráðu þig þá út úr Abler og inn aftur.
Hafðu samband við skammarkrokur@worldclass.is og segðu hvað gerðist. Skráningu og afbókun lýkur 50 mínútum fyrir tíma, og ef þú ætlar ekki að mæta þarftu líka að afskrá þig af biðlistanum.
Algengustu ástæðurnar eru: - Kortið eða áskriftin hefur ekki tekið gildi eða er útrunnin. - Ógreiddur reikningur lokar fyrir bókanir þar til hann er greiddur. - Fyrir WorldFit og Pilates Club þarf virkt World Class kort. Ef ekkert af þessu á við skaltu skrá þig út úr Abler og inn aftur. Ef bókun virkar enn ekki skaltu hafa samband við worldclass@worldclass.is og senda skjáskot.
Ekki er hægt að taka frá pláss fyrir gest á vinamiða í hóptíma. Ef laust er í tímann máttu taka gestinn með: þú mætir með hann í afgreiðsluna og nýtir vinamiðann þar. - Heilsuræktarkorthafar fá tvo vinamiða á mánuði. - Gesturinn þarf að vera orðinn 13 ára. - Vinamiðar gilda ekki í Ögurhvarfi, Dalshrauni eða Árbæjarlaug.
Tímatafla hverrar stöðvar er á síðu stöðvarinnar undir Stöðvar og sundlaugar. Á opnir-timar sérðu alla opna tíma eftir tegund og stöð og getur bókað þar.
Skráning opnar 49 klukkustundum áður en tíminn hefst. Í fyrstu morguntíma dagsins opnar hún kl. 21:00 tveimur kvöldum fyrir tímann. Í WorldFit og Pilates Club opnar skráning 25 klukkustundum fyrir tímann. Afbóka þarf minnst 50 mínútum áður en tíminn hefst. Tímana bókarðu í tímatöflunni á worldclass.is eða í Abler-appinu.
Flestir hóptímar eru kenndir á íslensku. Ef þú vilt ensku skaltu láta kennarann vita fyrir tímann, þá getur hann sýnt þér æfingarnar og haft þig nálægt sér.
Hafðu samband við worldclass@worldclass.is með fjölda, stöð og dagsetningu og við skoðum það.
Já. Hjólin á öllum stöðvum eru með tvíhliða fetlum: SPD smellur öðrum megin og venjulegir fetlar með tásveipum hinum megin. Þú getur því notað eigin hjólaskó með SPD smellum eða venjulega íþróttaskó.
Já. Ef færri en 10 eru skráðir í tímann einni klukkustund áður en hann á að hefjast fellur hann sjálfkrafa út úr tímatöflunni. Þau sem eru skráð fá tölvupóst um að tíminn hafi fallið niður.
Mættu minnst 5 mínútum fyrir auglýstan tíma, því tímarnir byrja í raun þá. Ef þú ert ekki mætt eða mættur getur plássið farið til annarra og þú lent í skammarkróknum. Í sumum tilfellum er salnum læst 5 mínútum eftir að tíminn hefst.
Aldurstakmarkið í stöðvarnar er 13 ára á árinu og það gildir líka í hóptímum.
Já. Námskeiði fylgir allt sem fylgir World Class korti, allt námskeiðstímabilið: - Opnir hóptímar - Aðgangur að stöðvunum - Sundlaugar Þú þarft því ekki sérstakt kort á meðan námskeiðið stendur yfir.
Já, Leikfimi 67+ er 12 vikna námskeið fyrir eldri aldurshópa í Mosfellsbæ. Greitt er fyrir námskeiðið í heild, ekki með mánaðargjaldi. Á síðu Leikfimi 67+ geturðu skráð netfangið þitt og fengið tilkynningu þegar skráning opnar: www.worldclass.is/namskeid/leikfimi-67plus
Já, World Class heldur þjálfaranámskeið í barre öðru hvoru. Næsta námskeið er auglýst á samfélagsmiðlum World Class, svo best er að fylgjast með þar.
Nei. Hjólasalir, hóptímasalir og aðrir salir eru eingöngu ætlaðir fyrir skipulagða hóptíma á vegum World Class. Ekki er hægt að nota þá til eigin æfinga þótt þeir séu lausir, og sama regla gildir fyrir alla.
Opnunartíma stöðvanna á rauðum dögum sérðu á opnunartímasíðunni og breytingar á opnum tímum sjást í tímatöflunni.
Já. Þú getur skráð þig á biðlista þegar tími er fullur. Þegar þú skráir þig á biðlistann birtist gulur gluggi þar sem þú getur skráð þig af honum aftur. Þú getur komist inn í tíma allt að 50 mínútum áður en hann hefst. Biðlistinn á einungis við þegar korthafar skrá sig í tíma á vefnum. Hann gildir ekki í afgreiðslu. Ef þú kemst ekki inn af biðlista geturðu komið í afgreiðsluna 5 mínútum fyrir tíma og spurt um laust pláss.
Ef þú lendir í skammarkróknum geturðu ekki bókað þig í tíma næstu fjóra daga á eftir. Þú lendir í honum ef: - þú mætir ekki í bókaðan tíma og afskráðir þig ekki minnst 50 mínútum fyrir upphaf tímans - þú kemst inn af biðlista og mætir ekki - mæting þín skráist ekki, til dæmis ef þú fórst ekki í gegnum hliðin Þetta gildir um alla opna tíma, líka WorldFit og Pilates Club. Mættu fyrir auglýstan tíma, því laus pláss eru gefin öðrum 5 mínútum áður en tíminn hefst. Ef þú mættir en lentir samt í skammarkróknum skaltu senda póst á skammarkrokur@worldclass.is og nefna stöð, dagsetningu og tíma tímans.
Yfir 500 opnir tímar eru í boði í viku hverri. Þú sérð þá og bókar í tímatöflunni.
11 spurningar
WorldFit
Grunnnámskeiðið er leiðin inn fyrir þá sem hafa aldrei æft WorldFit áður, en mömmur þurfa það ekki. Það eru þrír 90 mínútna tímar í tæknilegum atriðum og mánaðarkort í WorldFit fylgir.
WorldFit kortið gildir á öllum stöðvum sem bjóða upp á WorldFit, svo þú ert ekki bundin eða bundinn við eina stöð. Allar staðsetningar finnurðu á WorldFit síðunni.
Skráning í WorldFit tíma opnar 25 klukkustundum áður en tíminn hefst. Tímarnir kl. 6 á morgnana eru undantekning, þar opnar skráning 34 klukkustundum fyrr, til dæmis kl. 20 á mánudagskvöldi fyrir tíma kl. 6 á miðvikudegi. Þú bókar í tímatöflunni eða í Abler appinu.
Nei. Mánaðarkortið sem fylgir grunnnámskeiðinu gildir aðeins í WorldFit tímana. Til að komast inn í ræktina þarftu líka World Class kort, sem þú kaupir á worldclass.is/kaupa-kort.
Þú kaupir WorldFit á WorldFit síðunni undir Ég er með World Class kort, eða í vefverslun World Class í Abler. Í boði er stakur mánuður eða áskrift með tveggja mánaða uppsagnarfresti.
WorldFit er sér áskrift og þú segir henni upp sérstaklega í Abler appinu eða á Mínum síðum. Uppsagnarfrestur er 2 mánuðir. Ef World Class og WorldFit eru saman í einni áskrift er ekki hægt að segja upp aðeins WorldFit. Þá er allri áskriftinni sagt upp og nýtt World Class kort keypt.
Unglingaaðgangur í WorldFit gildir aðeins í unglingatímana. Ef reynt er að bóka almennan WorldFit tíma opnast verslunin í staðinn. Veldu unglingatímana sérstaklega í Abler og athugaðu hvort sía sé virk sem felur þá.
Já. Stakur mánuður í WorldFit rennur sjálfkrafa út og það þarf ekki að segja honum upp. Þú kaupir hann á WorldFit síðunni.
Já, WorldFit Krakkar er fyrir 5. til 7. bekk. Þar eru ólympískar lyftingar, kraftlyftingar, fimleikar og þol, aðlagað að getu hvers og eins. Upphafsdaga og skráningu finnurðu á worldclass.is/klubbar/worldfit, og þar geturðu skráð þig á biðlista ef skráning er ekki opin.
Já. Þú getur mætt í WorldFit tíma fram að lokadegi WorldFit áskriftarinnar. Ef WorldFit er í sér áskrift heldur World Class kortið áfram óbreytt eftir að WorldFit rennur út.
Já, þá greiðirðu tvisvar fyrir ræktina, en það er hægt að laga. Hafðu samband við worldclass@worldclass.is. WorldFit áskriftinni er þá lokað og kortið framlengt sem nemur ofgreiðslunni. Síðan kaupirðu WorldFit sem korthafi undir Ég er með World Class kort og greiðir aðeins viðbótina.
6 spurningar
Pilates Club
Skráning í Pilates Club tíma opnar 25 klukkustundum áður en tíminn hefst. Tímarnir kl. 6 á morgnana eru undantekning, þar opnar skráning 34 klukkustundum fyrr, til dæmis kl. 20 á mánudagskvöldi fyrir tíma kl. 6 á miðvikudegi. Þú bókar í tímatöflunni eða í Abler appinu.
Nei. Reformer salurinn og aðrir salir eru eingöngu ætlaðir fyrir skipulagða hóptíma á vegum World Class. Ekki er hægt að fá salinn fyrir einkaæfingar eða einkakennslu þótt hann sé laus, og sama regla gildir fyrir alla.
Pilates Club er á nokkrum stöðvum og þú sérð þær allar á Stöðvar og sundlaugar. Þú þarft gripsokka, þeir fást í afgreiðslu og vefverslun. Mættu 10 mínútum fyrr í fyrsta tímann.
Nei. Pilates Club áskriftin heldur áfram og er rukkuð þótt World Class kortið renni út, en án gilds World Class korts kemstu ekki í tímana. Viltu hætta segirðu Pilates Club upp sérstaklega í Abler. Uppsagnarfrestur er 2 mánuðir.
Já. Stakur mánuður í Pilates Club rennur sjálfkrafa út og það þarf ekki að segja honum upp. Þú kaupir hann á Pilates Club síðunni.
Já, ófrískar konur hafa bæði stundað og kennt Pilates hjá okkur. Hver og ein metur sjálf hvað hentar sér. Fyrir verðandi og nýbakaðar mæður eru líka Pilates Mömmur.
12 spurningar
Húsreglur
Láttu starfsfólk í afgreiðslu vita á staðnum eða sendu ábendingu á worldclass@worldclass.is með: - stöð og nákvæmri staðsetningu tækisins - lýsingu á tækinu eða aðstöðunni - mynd ef hægt er Á ómönnuðum stöðvum sendirðu ábendinguna á sama netfang og hún fer til stöðvarinnar. Ef púða vantar á tæki eru þeir oftast í bólstrun, sem tekur vanalega um einn dag.
Sami lagalisti er spilaður á öllum stöðvum og ekki er hægt að stilla sérstakan lista fyrir eina stöð. Ábendingar um hljóðstyrk eða lagaval sendirðu til stöðvarstjóra viðkomandi stöðvar.
Bannað er að taka myndir eða myndbönd af öðrum í tækjasal nema með samþykki þeirra. Brot eru litin alvarlegum augum og geta varðað brottrekstri. Ef þú hefur verið mynduð eða myndaður án leyfis, hafðu samband við worldclass@worldclass.is.
Nei. Allir iðkendur eiga jafnan rétt á tækjum og búnaði, líka á meðan einkaþjálfun stendur yfir. Ef bið er eftir tæki er æskilegt að skiptast á milli setta. Ef einhver eignar sér búnað lengi, hafðu samband við starfsfólk.
Hafðu samband við worldclass@worldclass.is og segðu frá stöð, dagsetningu, tíma og því sem gerðist. Hótanir, áreitni og dónaskapur eru óásættanleg og slík mál eru skoðuð strax.
Já, ef hluturinn finnst er hægt að senda hann gegn sendingarkostnaði. Hafðu samband við worldclass@worldclass.is, lýstu hlutnum og segðu á hvaða stöð hann gleymdist. Þú getur líka beðið um að persónuskilríkjum og kvittunum sé eytt í stað þess að senda þau.
Nei. Matur og drykkir, aðrir en vatnsbrúsar, eru ekki leyfðir í tækjasal og hóptímasölum.
Nei. Skápa þarf að tæma eftir notkun. Á kvöldin er klippt á lása sem eru eftir og innihaldið gefið til hjálparsamtaka. Komdu með eigin hengilás. World Class ber ekki ábyrgð á verðmætum í skápum.
Já, en þá er skylda að nota heyrnartól.
Nei. Notkun snjallsíma er stranglega bönnuð í búningsklefum og brot getur varðað brottrekstri. Ekki má heldur taka myndir af öðrum í tækjasal án samþykkis þeirra.
Nei. Rakstur er stranglega bannaður í sturtuklefum og gufuböðum.
Í hreinum íþróttafatnaði og hreinum skóm sem ætlaðir eru til æfinga innanhúss. Ekki má æfa ber að ofan í tækjasal, og útiskór og gallabuxur eru ekki leyfð. Í heitum sal eru skór geymdir í skáp og skylda er að hafa með sér stórt handklæði.